DISTRICT CA CAMPS

HAGIOS 2024

ഡിസ്ട്രിക്ട് സി. എ. കമ്മിറ്റിയുടെ നേതൃത്വത്തില്‍ എല്ലാ വര്‍ഷങ്ങളിലും ക്യാമ്പുകള്‍ നടത്താറുണ്ട്. HAGIOS 2024 എന്ന പേരില്‍ ഈ വര്‍ഷത്തെ ത്രിദിന ക്യാമ്പ് കുട്ടിക്കാനം മാര്‍ ബസേലിയോസ് എഞ്ചിനീയറിംഗ് കോളേജില്‍ വച്ച് 2024 സെപ്റ്റംബര്‍ 19 മുതല്‍ 21 വരെ നടന്നു. ആയിരത്തിലധികം യുവജനങ്ങള്‍ ഈ ക്യാമ്പില്‍ പങ്കെടുത്തു. BE HOLY എന്നതായിരുന്നു ചിന്താവിഷയം. ഡിസ്ട്രിക്ട് സി. എ. പ്രസിഡന്‍റ് പാസ്റ്റര്‍ ഷിന്‍സ് പി. റ്റി. യുടെ നേതൃത്വത്തിലുള്ള ഡിസ്ട്രിക്ട് സി. എ. കമ്മിറ്റി ഈ ക്യാമ്പിനു നേതൃത്വം കൊടുത്തു. മലയാളം ഡിസ്ട്രിക്ട് അസിസ്റ്റന്‍റ് സൂപ്രണ്ട് പാസ്റ്റര്‍ (ഡോ) ഐസക് വി. മാത്യു ക്യാമ്പ് ഉദ്ഘാടനം ചെയ്തു. പ്രായപരിധി അനുസരിച്ച് ക്യാമ്പംഗങ്ങളെ വിവിധ ഗ്രൂപ്പുകളായി തിരിച്ച് നടത്തിയ ക്ലാസ്സുകള്‍ ഏറെ പ്രയോജനപ്പെട്ടു. അനേകം യുവജനങ്ങള്‍ ക്രിസ്തുവിനെ രക്ഷിതാവായി സ്വീകരിക്കുന്നതിനും പരിശുദ്ധാത്മാഭിഷേകം പ്രാപിക്കുന്നതിനും സുവിശേഷവേലയ്ക്കായി സമര്‍പ്പിക്കുന്നതിനും ഇടയായി. ബ്രദര്‍ സുജിത് എം. സുനില്‍, ബ്രദര്‍ സുജിത് ബാബു, ബ്രദര്‍ സന്തോഷ് വാഴയില്‍, പാസ്റ്റര്‍ സാബു ചാരുമൂട്, സിസ്റ്റര്‍ ബിനീഷ ബാബ്ജി എന്നിവര്‍ വര്‍ഷിപ്പിന് നേതൃത്വം നല്‍കി.